THIRRJE PËR APLIKIM

Fermerët që aplikojnë për Pagesa Direkte për kulturat bujqësore duhet t’i plotësojnë këto kritere:

§ Të jenë banorë të përhershëm të Republikës së Kosovës;

§ Të kenë të mbjellur së paku 2 ha me grurë;

§ Të kenë të mbjellur së paku 1 ha tokë me misër;

§ Të kenë të mbjellur së paku 1 ha tokë me luledielli;

§ Të kenë të mbjellur së paku 5 ha me grurë për prodhimin e farës së grurit;

§ Te kenë të mbjellur së paku 0.50 ha me perime në fushë të hapur;

§ Të kenë të mbjellur së paku 0.50 ha me pemë dru-frutore;

§ Të kenë të mbjellur së paku 0.25 ha me pemë të imëta (dredhëz, manaferrë, mjedër dhe boronicë);

§ Parcelat e mbjella me grurë, misër, luledielli dhe perime në fushë të hapur duhet të jenë së paku 0.20 ha;

§ Parcela e mbjellë me grurë për prodhimin e farës së grurit, duhet të jetë së paku 1 ha e pandarë;

§ Parcela e mbjellë me pemë dru frutore dhe pemë të imëta duhet të jetë së paku 0.25 ha;

§ Fara e mbjellur e grurit duhet të jetë në Listën e Lejuar të Farës;

§ Sipërfaqja e tokës e marrë me qira për grurë, farë gruri, misër dhe luledielli duhet të jetë 1 ha e pandarë;

§ Sipërfaqja e pemishtes e marrë me qira duhet të jetë minimum 0.25 ha e pandarë;

§ Sipërfaqja e tokës bujqësore, e cila është marrë me qira, duhet të dokumentohet përmes kontratës së lidhur

     ndërmjet palëve dhe përmes fletës poseduese;

§ Sipërfaqja e marrë me qira duhet të jetë e kontraktuar së paku për një vit.

Dokumentacioni i nevojshëm për aplikim:

§ Aplikacioni i plotësuar;

§ Kopja e letërnjoftimit të Republikës së Kosovës;

§ Konfirmimin nga banka se llogaria është rrjedhëse dhe aktive;

§ Dëshminë nga kadastra për sipërfaqen e tokës së punueshme në pronësi (fletën poseduese);

§ Kopjen e certifikatës së regjistrimit të biznesit për personat juridik;

§ Kontrata për sipërfaqen e marrë me qira, duke bashkangjitur fletën poseduese të qiradhënësit;

§ Dëshmi për pagesën e tatimit në pronë.

Periudha e aplikimit:

Aplikimi zgjatë 45 ditë kalendarike dhe fillon prej momentit të shpalljes publike, nga data 25 shkurt deri më 10 prill 2015.

Mënyra e aplikimit:

Aplikimi bëhet në zyrat e Drejtorive Komunale për Bujqësi.

Për të gjitha Pagesat Direkte duhet të bëhet digjitalizimi i parcelave përmes programit sLPIS.

Një fermer duhet ta ketë vetëm një aplikacion.

Gjatë procedurës së kontrollit në terren, në rast të gjetjes së shkeljeve, do të aplikohen masa ndëshkimore, duke u bazuar Udhëzimin Administrativ përkatës për pagesat direkte në lëmin e bujqësisë për vitin 2015.

Sqarim:

Dokumentacioni për aplikim duhet të dorëzohet në dy kopje dhe brenda periudhës së aplikimit. Dorëzimi i dokumentacionit pas përfundimit të afatit të publikuar, nuk do të pranohet për shqyrtim. 

 Për Pagesa Direkte për kulturat bujqësore (grurë, farë gruri, misër, luledielli, perime në
 fushë të hapur dhe pemishte ekzistuese)
 
Ministria e Bujqësisë, Pylltarisë dhe Zhvillimit Rural do të vazhdoj të mbështes fermerët përmes Pagesave Direkte. Niveli i mbështetjes do të jetë:
Pagesa Direkte – Grurë: 150 €/ha
Pagesa Direkte – Farë gruri: 250 €/ha
Pagesa Direkte – Misër: 150 €/ha
Pagesa Direkte – Luledielli: 150 €/ha
Pagesa Direkte – Perime në fushë të hapur: 300 €/ha
Pagesa Direkte – Pemishte ekzistuese: 400 €/ha