Ministrja e integrimeve evropiane, Vlora Çitaku, ka thënë se edhe pse Kllokoti nuk ka problem me çështjen e personave të riatdhesuar, pasi nga kjo komunë nuk ka snjë rast, ka shfrytëzuar viztën që me kryetarin e komunës të diskutoi për çështjet tjera që janë në interes të integrimeve evropiane.
Ajo ka thënë se ministria që drejton është thellësisht e interesuar që të ndihmoi komunën e Kllokotit, për zgjidhjen e problemit më përfundmin e punimeve rreth ndërtesës së re të komunës, problemeve që ka kjo komunë me pronat që menaxhohen nga AKP dhe për çështje tjera. “Jemi të intersuar që të mbështesim komunën e Kllokotit, në zgjidhjen e problemeve , pasi integrimet evropiane nuk bëhen në Bruksel , por këtu në komunat e Kosovës”, ka thënë Çitaku.
Kurse kryetari i komunës, Sreqko Spasiq, është shprehur se ndihet i privilegjuar që sot pati rastin të pres në një takim pune ministren e integrimeve evropiane, ministren Çitaku, pasi kjo është vizita e parë e nivelit të lartë që i bëhet atij si kryetar komune.
Ai ka thënë se ministren Çitaku e ka njoftuar me problemet dhe brengat e qytetarëve të Klokotit, dhe ka kërkuar mbështetje për zgjidhjen e këtyre problemeve duke filluar nga objekti i administratës komunale e deri tek borgjet e mëdha që ka trashëguar komuna nga qeverisja e kaluar.
Skender Hoda, e njoftoi Ministren e Integrimeve Evropiane se zyra komunale për integrime evropiane është aktive dhe është në procesin e përpushjes së obligimeve ligjore që dalin nga rregullorja e Qeverisë së Kosoves dhe Plani i Veprimit të Marrëveshjes së Stabilizim Asociimit për vitin 2014.
Zyrtari për Integrime Evropiane në komunën e Kllokot-Verbovcit Skender Hoda , theksoi ndihmën permanente që është duke e ofruar Z. Flamur Zeqiri si Këshilltari/ Ekspert nga projekti i CDF-së- KFOS.
Me këshillimet e z. Zeqiri, është arritur që të bëjmë konstituimin e zyrës për Integrime Evropiane, është ofruar ekspertizë në fushën për Integrime Evropiane, është përgatitur plani vjetor i punës së zyrës, dhe ndihmon në ndërtimin përkatësisht zhvillimin e kapaciteteve komunale të cilat kanë shpjer në rritjen e performancës së punës sa i përket procesit të integrimeve evropiane.
Kllokot, 4 prill – Ministrja e Integrimeve evropiane, Vlora Çitaku, ka vizituar te premten Komunën e Kllokotit, ku me kryetarin e komunes z. Sreqko Spasq dhe nënkryetarin e komunes per komunitete Hasan Rashiti, e ku prezentonte edhe zyrtari komunal per integrime evropiane Skender Hoda , eshte diskutuar për procesin e ri atdhesimit, projekteve që janë në realizim në këtë komunë si dhe për çështje tjera që janë në funksion të rritjes së efikasitetit në punë të qeverisë komunale