– Kryetari i Kllokotit, Sasha Mirkoviq dhe bashkëpunëtorët e tij ishin të akuzuar nga të dëmtuarit Sasha Marinkoviq, Srgjan Jeremiq, Zoran Bogdanoviq, Hasan Rashiti, Dejan Spasiq dhe Zoran Nojkiq, se me veprimet e tyre në disa raste kanë bërë keqpërdorim të detyrës zyrtare.
Ata ishin akuzuar për keqpërdorim të detyrës zyrtare me rastin e dhënies së tenderit për rrugën Mogillë – Vërboc, largimin e inventarit nga zyra e komuniteteve në Vërboc, për tenderin që kishte të bënte me rregullimin e parkut në oborrin e shkollës fillore të Kllokotit, për punësim të punëtorëve në arsim, për tenderin e pajisjes me inventar të shkollës në Klokot si dhe për joshje me përfitime financiare të Sava Kuliqit dhe Vitko Jeremiqit që ata të tërheqin nënshkrimet e tyre në peticionin e nënshkruar nga një numër i qytetarëve të Kllokotit për shkarkim nga detyra të kryetarit të komunës.
Prokuroria e qarkut në Gjilan, ka pushuar hetimet e nisura ndaj kryetarit të komunës së Kllokotit , Sasha Mirkoviq, kryesuesit të Kuvendit Komunal Zharko Dejanoviq,nënkryetarit Marko Svilanoviq dhe drejtorit të arsimit Momqillo Stojkoviq, të cilët ishin akuzuar për keqpërdorim të detyrave zyrtare.
