Republika e Kosovës
Republika Kosova-Republic of Kosovo
Qeveria –Vlada-Government
Ministria e Bujqësisë, Pylltarisë dhe Zhvillimit Rural
Ministarstvo Poljoprivrede, Šumarstva i Ruralnog Razvoja
Ministry of Agriculture, Forestry and Rural Development
Agjencia për Zhvillimin e Bujqësisë/Agencija za Razvoj Poloprivrede/ Agriculture Development Agency
DIVIZIONI PËR KOMUNIKIM ME PUBLIKUN/ DIVIZIE ZA JAVNO KOMUNICIRANJE/
/DIVISION OF PUBLIC COMMUNICATION/
THIRRJE PËR APLIKIM
Për pagesa direkte për qumësht/litër sipas kategorive të cilësisë për vitin 2014
Ministria e Bujqësisë, Pylltarisë dhe Zhvillimit Rural do të mbështes sektorin e blegtorisë, përmes pagesave direkte për njësi (litër) për qumësht sipas kategorive të cilësisë. Niveli i mbështetjes do të jetë:
Ekstra klasa…………………0.06 €/litër
Klasa e I………………………0.04 €/litër
Klasa e II……………………..0.02 €/litër
Fermerët që aplikojnë duhet t’i plotësojnë këto kritere:
– Duhet të jenë shtetas të Republikës së Kosovës;
– Të jenë të regjistruar në regjistrin e bizneseve të Kosovës ( personat juridik);
– Të jenë të regjistruar në sistemin e Identifikimit dhe të Regjistrimit të kafshëve në AUV dhe të posedojnë listën e verifikimit të kafshëve;
– Të kenë kontratën për shitjen e qumështit me ndonjërën nga qumështoret e licencuara në Kosovë;
– Të ofrojë dëshmi për cilësinë e qumështit të dorëzuar në qumështore të lëshuar nga laboratori i AUV-së, të pranueshëm janë qumështi i kategorive ekstra, klasi I dhe klasi II;
– Të ofrojë dëshmi për sasinë mujore të qumështit të shitur (dorëzuar) në ndonjërën nga qumështoret e licencuara në Kosovë;
– Të ofrojë dëshmi bankare për sasinë mujore të qumështit të shitur ( dorëzuar).
Dokumentacioni i nevojshëm për aplikim:
– Kopjen e letërnjoftimit të Republikës së Kosovës (për personat fizik) ose kopjen e regjistrimit të biznesit (për persona juridik), dokumentin i cili vërteton se kush e ka autoritetin që të nënshkruaj për kompaninë;
– Konfirmimin nga banka për xhirollogarinë bankare të aplikuesit;
– Kopjen e listës së verifikimit të gjedhëve të lëshuar nga Sektori për Identifikim dhe Regjistrim (I & R) në kuadër të Agjencisë së Ushqimit dhe Veterinës (AUV);
– Kopjen e kontratës për furnizim me qumësht të lëshuar nga qumështorja;
– Dëshminë për sasinë e qumështit të dorëzuar në qumështore sipas cilësisë;
– Dëshminë për pjesëmarrjen në projektin “Transparenca dhe neutraliteti i marrjes së mostrave të qumështit”;
– Dëshminë që është i regjistruar në regjistrin e fermës;
– Dëshmi për pagesën e tatimit mbi pronë.
Mënyra e realizimit të subvencionit:
Përfituesi i subvencionimit, mbështetjen financiare (subvencionin) e realizon vetëm nëse e dorëzon (shet) qumështin përmes industrisë përpunuese – qumështoreve të licencuara;
Përfituesi e realizon të drejtën në subvencion nëse ofron dëshmi bankare për transferimin e pagesës mujore për qumështin e shitur në qumështoren e licencuar, sasinë mujore te qumështit dhe kategorinë sipas cilësisë;
Përfituesi e realizon të drejtën në subvencion nëse dorëzon më së paku 1500 litra qumësht për 3 (tre) muaj (sipas tremujorëve të viti kalendarik).
Periudha e aplikimit:
Aplikimi zgjatë 30 ditë kalendarike dhe fillon prej momentit të shpalljes së thirrjes për aplikim.
Aplikimi bëhet në zyrat e Drejtorive Komunale për Bujqësi.
Mënyra e aplikimit:
Të gjithë fermerët fillimisht, gjatë aplikimit janë të obliguar të plotësojnë formularin për regjistrim në Regjistrin e fermerëve, i cili është parakusht për përfitimin e mbështetjes.
Gjatë procedurës së kontrollit, në rast të gjetjes së shkeljeve do të aplikohen masa ndëshkimore, duke u bazuar në Udhëzimin Administrativ MBPZHR Nr.02/2014 për Pagesat Direkte në Bujqësi për vitin 2014.
Sqarim:
· Dokumentacioni për aplikim duhet të dorëzohet në dy kopje dhe brenda periudhës së aplikimit. Dorëzimi i dokumentacionit pas përfundimit të afatit të publikuar, nuk do të pranohet për shqyrtim.
